فسخ حساب RestoNet
آخر تحيين: 6 أكتوبر 2026
تنجم تفسّخ حسابك في RestoNet وقتلي تحب، من التطبيق، من الموقع، ولا تكتبلنا كان ما عادش تنجم تدخل للتطبيق.
هذي ترجمة؛ كان فما اختلاف، النسخة الفرنسية هي المعتمدة.
1. من تطبيق RestoNet
- حل « الحساب »؛
- انزل على « فسّخ حسابي »؛
- أكّد بكلمة السرّ. الفسخ يصير في الحين.
2. من الموقع
- حل restonet.tn/ar/compte وادخل بنومروك وكلمة السرّ؛
- لوطة في الصفحة، انزل على « فسّخ حسابي »؛
- أكّد بكلمة السرّ. الفسخ يصير في الحين.
3. كان ما تنجمش تدخل لحسابك
اكتب لـ contact@restonet.tn ولا واتساب +216 52 124 384 من نومرو الحساب واطلب فسخو. نثبّتو اللي الطلب جاي من مولى النومرو، ومبعد نفسخو الحساب في أجل أقصاه 30 يوم ونأكّدولك.
4. شنوّة يتفسخ
- حسابك: الاسم، النومرو، كلمة السرّ، اللغة؛
- العناوين المحفوظة؛
- جلسات الدخول (تخرج من كل الأجهزة)؛
- معرّفات الإشعارات متاع تليفوناتك.
5. شنوّة يقعد
- طلبياتك القديمة، مفصولة على حسابك: هي جزء من كاسة وحسابات المطاعم والتوصيل؛
- آراءك، من غير اسم (« حريف RestoNet »): تقييم المطاعم ما يتبدّلش؛
- النسخ الاحتياطية، تتفسخ وحدها بعد 14 يوم.
6. حسابات المطاعم والليفرورات
الحساب اللي يخدم زادة لمطعم ولا لتوصيل RestoNet ما يتفسخش من التطبيق: اكتب لـ contact@restonet.tn، نفسخوه بعد ما نسوّيو معاك أمور المطعم ولا الكورسات.
عندك سؤال؟ contact@restonet.tn · WhatsApp +216 52 124 384